O 12 de maio celébrase o Día Internacional das Mulleres Matemáticas, celebración proclamada en 2018 que conmemora a data de nacemento da matemática iraniana, Maryam Mirzakhani, profesora e investigadora sobre xeometría e sistemas dinámicos e primeira muller en recibir en 2014 a Medalla Fields.
Ademais de lembrar a todas as mulleres matemáticas, a celebración deste día tamén ten como obxectivo inspirar a outras nenas e mulleres a estudar esta disciplina, propósito que persegue a Alianza STEAM polo talento feminino, unha iniciativa do Ministerio de Educación e Formación Profesional que nace co obxectivo de fomentar as vocacións STEAM (Ciencia, Tecnoloxía, Enxeñería, Artes e Matemáticas) en nenas e novas e reducir a brecha de xénero.
A conmemoración deste día contribúe a situar ás mulleres matemáticas na historia pola importancia das súas contribucións a esta disciplina e convídanos a reflexionar sobre o que poderían facer se non tivesen tantas portas pechadas debido ao seu xénero.
(Fonte: http://blogbibliotecas.mecd.gob.es)
Para celebralo, propoñémosvos unha escaperoom. Sería conveniente o acompañamento dunha persoa adulta para compartir o momento e a súa lectura:
Esta experiencia é ou se basea na creada a proposta da Comisión de Mujeres e Matemáticas da Real Sociedade Matemática Española (http://mym.rsme.es/) por Lara Ferrando Esteve e Irene Epifanio López para conmemorar o Día Internacional da Muller Matemática.
Ningún comentario:
Publicar un comentario