Rematamos o trimestre ofrecéndovos unha publicación especial que foi elaborada na Semana da Prensa na Escola, na que participaron todos os cursos do cole e na que se tratan varios temas que se traballaron nas últimas semanas.
Desexámosvos unha moi feliz semana!
Enmarcada dentro das actividades do Proxecto Documental Integrado da Bilbioteca Escolar "Gaudileo no museo", o luns 22 de marzo recibimos a visita de Yayoi Kusama, coincidindo coa celebración do seu 92 aniversario.
A nosa Yayoi recibiu á entrada da aula de 4º de educación infantil a todos aqueles nenos e nenas que quixeron ir coñecela e escoitar a súa historia.
Desta visita, na que Yayoi recibiu agasallos do alumnado do CEIP Manuel Mallo Mallo, sairá unha colección de haikus, que será publicada nunha publicación especial co gallo da Semana da Prensa, que xa está no prelo.
Un ano máis chega o Carnaval
e aínda que non podamos desfilar
tamén nos imos disfrazar.
Que como imos facer? Busca...
tesoiras, papel, cartóns, pegamento,
roupa vella, chapeus... calquera invento!
E do museo que estás a traballar
unha obra terás que representar.
Ou tamén podes ser un pouco bromista
e colarte na obra como protagonista!
Rematamos o trimestre ofrecéndovos unha publicación especial que foi elaborada na Semana da Prensa na Escola, na que participaron todos os c...
