A voz de Nadela

RECOMENDACIÓNS LECTORAS

 

  Hoxe un grupo de mestras do CEIP de Nadela visitamos o CEIP de Soutelo, en Pontevedra, dentro do programa da Consellería Observa_Acción.

Foi unha xornada moi enriquecedora, chea de aprendizaxes, reflexións e intercambio de boas prácticas. Tivemos a oportunidade de observar de preto como organizan os espazos, os tempos e as dinámicas de aula, así como coñecer proxectos innovadores que nos inspiran e nos animan a seguir mellorando. 

O contacto directo con outras realidades educativas, o diálogo entre compañeiras e a posibilidade de aprender unhas das outras fixeron desta visita unha experiencia moi valiosa tanto a nivel profesional como persoal.

Grazas ao CEIP de Soutelo pola súa acollida, xenerosidade e por compartir connosco o seu proxecto con tanta ilusión e compromiso. Seguimos aprendendo para medrar xuntas! 

OBSERVA_ACCIÓN: ETAPA ACOLLE

 Hoxe, 24 de abril, dentro do programa Observa_Acción: Etapa Acolle, tivemos unha xornada especial de aprendizaxe compartida co CEIP Soutelo de Montes.  

Durante a mañá realizamos:

• Unha visita guiada polo centro.
• Observacións nas aulas e nos patios lúdicos: para conversar e intercambiar impresións

Trala pausa do recreo, o alumnado foi protagonista coa súa participación na representación da visita de Emilia Pardo Bazán, unha actividade na que se presentou  o “Libro Máxico de Emilia Pardo Bazán”, un libro que resultou da Xincana Literaria celebrada onte, Día do Libro,  na que todos os cursos realizaron unha serie de probas relacionadas con Obxectivos de Desenvolvemento Sostible e coa vida e obra da propia Emilia Pardo Bazán. Estas probas, guiadas por Tintileo, tiñan como obxectivo a elaboración das páxinas do libro máxico que presentou a escritora, como broche final dunha celebración chea de imaxinación, lectura e traballo colaborativo. 

,: '

Grazas ao CEIP Soutelo de Montes pola súa presenza e por facer desta xornada un exemplo de colaboración entre escolas.

Seguimos observando, aprendendo e creando!

O SEGREDO DO LIBRO MÁXICO DE EMILIA PARDO BAZÁN

 

Día de Rosalía

 

ENTROIDO